ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Сәясәт

Лилия Маврина праймеризга кызыксынуы зуррак булган районнарны атады

26 май 2019, 21:32 , Фото: Салават Камалетдинов

Лилия Маврина праймеризга кызыксынуы зуррак булган районнарны атады Кайбер участоклар праймеризны иҗади якын килеп оештырган.

(Казан, 26 май, "Татар-информ", Гөлнар Гарифуллина). Кайбер районнарда праймеризга карата кызыксыну республика буенча уртача күрсәткечтән югарырак булган. Бу хакта "Бердәм Россия” сәяси партиясенең Татарстан бүлеге матбугат үзәгендә ТР Дәүләт Советы Секретаре, башлангыч тавыш бирүне оештыру комитеты рәисе Лилия Маврина хәбәр итте.

"Әтнә, Саба, Теләче районнарында сайлаучыларның 19 проценты килгән. Арча, Балтач, Биектау, Кукмара, Мөслим, Сарман, Чирмешән, Ютазы районнарында бу 18 проценттан артык", - диде ул.

Оештыру комитеты рәисе сүзләренчә, кайбер участоклар башлангыч тавыш бирүгә стандарт карамаган. Мәсәлән, Тәтеш районында исәпләү участокларында авыл бәйрәме оештырылган.

"Кайберәүләр төрле акцияләр үткәргән, оештыручылар бу процесска иҗади караганнар. Без исәпләү участокларына килгән һәм лаеклы кандидатларга тавыш биреп, сайлауда катнашу өчен "Бердәм Россия"леләр исемлеген төзегән кешеләргә рәхмәтле", - диде Лилия Маврина. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10