ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Сәясәт

Праймеризда катнашучыларның өчтән бере – яшьләр

26 май 2019, 20:18 , Фото: Михаил Захаров

Праймеризда катнашучыларның өчтән бере – яшьләр
Дәүләт Думасы депутаты Игорь Сапко сүзләренчә, праймериз яшьләргә үзен күрсәтү, программасын дәлилләп сөйләү өчен яхшы мөмкинлек бирә.

(Казан, 26 май, "Татар-информ", Гөлнар Гарифуллина). Татарстанда праймеризда катнашучыларның өчтән бере - яшьләр. Бу хакта РФ Дәүләт Думасы депутаты, Дәүләт Советына сайлау кампаниясендә "Бердәм Россия" уполномоченные Игорь Сапко "Бердәм Россия” сәяси партиясенең Татарстан бүлеге матбугат үзәгендә әйтте.

"Бу - мөһим һәм яхшы күрсәткеч. Монда гамәлдәге депутатлар да, бюджет өлкәсе, кече һәм урта бизнес вәкилләре дә бар", - диде Игорь Сапко.

Аның фикеренчә, бүген праймеризда катнашу - быел 8 сентябрьдә узачак сайлауларда, һичшиксез, җиңү дигән сүз түгел. "Бу - яшьләргә үзләрен күрсәтү, программасын дәлилләп сөйләү өчен яхшы мөмкинлек. Бәлки, киләчәктә сәяси өлкәдә үзләрен нинди координаталар системасында күрергә теләве буенча өстәмә сораулар табу", - ди депутат.

Игорь Сапко киләсе елда республикада муниципаль сайлаулар узачагын искәртте. "Бу потенциаль кандидатларны сайлау өчен төбәк бүлеге өчен дә мөһим", - диде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10