ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Сәясәт

Андрей Тузиков праймериз яңа сәяси чынбарлыкның атрибуты булыр дип уйлый

26 май 2019, 17:37

"2020 ел башка партияләрдә дә праймериз флагы астында узарга мөмкин, чөнки Дәүләт Думасына сайлаулар да ерак түгел", - ди ул.

(Казан, 26 май, "Татар-информ", Гөлнар Гарифуллина). РФ Сәяси фән академиясе әгъза-мөхбире, социология фәннәре докторы Андрей Тузиков илдә праймериз - алдан тавыш бирү институты ничек үсеш алачагын фаразлады.

Билгеле булганча, бүген Россиядә "Бердәм Россия" партиясе генә алдан сайлаулар уздыра.

"Праймериз яңа сәяси чынбарлыкның атрибуты булыр дип уйлыйм. 2020 ел башка партияләрдә дә праймериз флагы астында узарга мөмкин, чөнки Дәүләт Думасына сайлаулар да ерак түгел. Парламенттагы башка партияләрдә яңа йөзләр пәйда булу, идеяләр корпусы яңару проблемалары тора, үзенә җаваплылык алырга әзер булган кешеләр кирәк", - ди ул.

Тузиков фикеренчә, бүген сәяси система проблемасы - персональ җаваплылык аңлаешсыз булуы. "Әйтик, кеше бер постта булган да, аннары бер кыңгыр эше өчен отставкага киткән, хәзер тормышка сөенеп яши, моны күрәләр, һәм бу уңай тәэсир уятмый. Шуңа күрә сайлау алды вәгъдәләре һәм аларны үтәү җаваплылыгын күздә тоткан теләсә нинди механизм - нәтиҗәле демократик тормыш рәвешенә юл", - диде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10