ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Хәвеф-хәтәр

Чирмешән районында машиналар бәрелешкән: имгәнүче бар

26 май 2019, 23:00

Югары Чегодай авылы янында төнге икеләрдә булган юл һәлакәтендә бер машина пассажиры тән җәрәхәтләре алган.

(Казан, 26 май, “Татар-информ”, “Безнең Чирмешән”, Марат Гомәров). Чирмешән районында машиналар бәрелешкән: имгәнүче бар. Бу хакта район басмасы яза.

Югары Чегодай авылы янында төнге икеләрдә булган юл һәлакәтендә бер машина пассажиры тән җәрәхәтләре алган. Аны Әлмәткә больницага озаталар.

ЮХИДИ инспекторлары әйтүенчә, Шешминка ягыннан килүче VOLKSWAGEN POLO чит ил машинасын йөртүче  Иске Үтәмештән Чирмешән уңаена төп юлдан барган ВАЗ-21101 автомашинасына юл бирми.

Кагыйдә бозучы, Лениногорск районы кешесе, Нурлаттан Лениногорскига барганда Шешминка ягына адашып кергән. Кире чыкканда юл билгесен күрмәдем, ди.

“Һәлакәттә тән җәрәхәтләре алган ВАЗ пассажиры Әлмәткә больницага озатылды. Аңа ярдәм күрсәтеп, өенә кайтарып җибәргәннәр. Йөртүчеләр икесе дә исән-сау”, - ди районның ЮХИДИ бүләкчәсе өлкән дәүләт инспекторы Рәмис Шәкүров. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10