ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Хәвеф-хәтәр

Казанда җиңел машина җәяүлеләр кичүендә велосипедтагы баланы бәрдергән

25 май 2019, 16:37 , Фото: скриншот видео из соцсетей

Казанда җиңел машина җәяүлеләр кичүендә велосипедтагы баланы бәрдергән
Әлеге хәл бүген көндез Рихард Зорге урамында булган.

(Казан, 25 май, «Татар-информ»). Казанда шаһитлар «Лада» җиңел машинасы җәяүлеләр кичүендә велосипедтагы баланы бәрдергәнлеген видеога төшергән. Видеороликны социаль челтәрләрдә урнаштырганнар.

Кадрларда «Лада Ларгус»ның юл чатында уңга борылуы күренеп тора. Машина йөртүче җәяүлеләрне уздыра һәм китә башлый. Шул вакыт машина каршына велосипедта малай килеп чыга. Машина туктарга өлгерми һәм баланы бәрдерә.

Татарстан буенча Эчке эшләр министрлыгы матбугат хезмәтендә укучы баланы бәрдерү фактын расладылар. «Бүген Рихард Зорге урамындагы 1а йорты каршында «Лада» йөртүчесе велосипедта йөргән баланы бәрдергән. Урында ЮХИДИ хезмәткәрләре эшли. Авариядә катнашкан һәр кешенең гаебе соңрак билгеләнәчәк»,-дип сөйләделәр агентлыкка ведомствоның матбугат хезмәтендә.

Нәтиҗәдә, укучы аягын җәрәхәтли һәм ашыгыч ярдәм машинасында хастаханәгә озатыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10