ҺАВА ТОРЫШЫ +24 oC

Яңалыклар

барлык хәбәрләр Татарстан Россия
×

Татар дөньясы

Новосибирскида федераль Сабан туен ике көн бәйрәм итәчәкләр

25 май 2019, 09:31 , Фото: архив/Салават Камалетдинов

Новосибирскида федераль Сабан туен ике көн бәйрәм итәчәкләр Федераль Сабан туен уздыруда быел Татарстанның Түбән Кама районы хакимияте ярдәм күрсәтә.
(Казан, 25 май, "Татар-информ"). Новосибирскида федераль Сабан туен ике көн бәйрәм итәчәкләр. Язгы чәчү тәмалануны җирле милләттәшләр 8-9 июнь көннәрендә билгеләп үтә. Бу хакта Новосибирск шәһәренең рәсми сайтында хәбәр ителә. 
 
Бәйрәм чаралары 8 июнь көнне каланың ипподромында ат чабышлары, авыл хуҗалыгы күргәзмәсе һәм Татарстан Республикасы артистлары чыгышы белән башланачак. 
Кич исә шулай ук Татарстан сәнгать әһелләре А.М. Кац исемендәге концертлар залында чыгыш ясар дип көтелә. 
 
Төп чаралар 9 июньгә билгеләнгән. Милли бәйрәмне уздыру мәйданы итеп шәһәрнең яр буе сайланган. 
 
Федераль Сабан туен уздыруда быел Татарстанның Түбән Кама районы хакимияте ярдәм күрсәтә. Шуңа да, традицион уеннар, җыр-биюләрдән тыш, быелның төп Сабан туенда түбәнкамалылар да сәхнә тотачак.
  
  • Сабан туе Россиянең 50дән артык төбәгендә, 30дан артык чит илдә уздырыла. Федераль Сабан туенда илебезнең барлык регионнарыннан да вәкилләр катнаша. 2003 елда милли бәйрәм ЮНЕСКО исемлегенә кертелгән иде. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10