ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Сәясәт

Татарстанда видеокамералар барлык территориаль сайлау комиссияләрендә куелачак

24 май 2019, 18:02 , Фото: архив/Михаил Захаров

Татарстанда видеокамералар барлык территориаль сайлау комиссияләрендә куелачак Видеокүзәтү технологиясе мәсьәләсе буенча республиканың Мәгълүматлаштыру һәм элемтә министрлыгы белән эш бара.

(Казан, 24 май, “Татар-информ”, Гөлнар Гарифуллина). Алтынчы чакырылыш Татарстан Республикасы Дәүләт Советы депутатларын сайлау көнендә республикада барлык территориаль сайлау комиссияләрендә видеокамералар куелачак. Бу хакта сайлауга әзерлек мәсьәләләре буенча партияләрнең төбәк бүлекләре белән очрашуда ТР Үзәк сайлау комиссиясе рәисе Мидхәт Шаһиәхмәтов хәбәр итте.

“Видеокүзәтү технологиясе мәсьәләсе буенча республиканың Мәгълүматлаштыру һәм элемтә министрлыгы белән актив эшлибез. Алар заказчы булып тора. Барлык территориаль участокларда камералар куелачак”, - диде ул.

“Сайлаучылар аеруча күп булган участокларда тавышларны сайлауның техник чаралары кулланылачак. Сайлау бюллетеньнарын эшкәртү һәм электрон тавыш бирү комплекслары. Шундый 200ләп комплекс булыр дип планлаштырыла”, - дип сөйләде Мидхәт Шаһиәхмәтов.

Аның сүзләренчә, сайлау турында хәбәрдар итү турында өстәмә корал буларак, Үзәк сайлау комиссиясендә кайнар линия оештырылачак. Ул июнь уртасыннан эшли башлар дип планлаштырыла.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10