ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Бөгелмә районының иң яхшы укучыларын хөрмәтләделәр

24 май 2019, 05:00 , Фото: Виталий Салягин

Бөгелмә районының иң яхшы укучыларын хөрмәтләделәр Алар барысы да Бөгелмә районы башлыгы Линар Закиров премиясен алачак.

(Бөгелмә, 24 май, "Татар-информ", "Бөгелмә авазы"). Бөгелмә техника йортында традицион "Яхшы укучылар - 2019 слеты" узды. Анда иң булдыклы, сәләтле, иҗади һәм зирәк укучыларны хөрмәтләделәр. Бу турыда җирле басма хәбәр итә.

"Фән олимпиадалары нәтиҗәләре буенча Бөгелмә районы республикада, Казан, Яр Чаллы, Түбән Кама шәһәрләреннән соң, дүртенче урында", - диде Башкарма комитетның социаль мәсьәләләр буенча җитәкче урынбасары Эльвера Резванова.

- Сәхнәдә математика, физика, тарих, җәмгыять белеме, геология, география, физкультура, рус әдәбияты, чит телләр һәм туган тел, шулай ук биология, химия, экология фәннәре буенча бөтенрәсәй һәм республика олимпиадаларының 75 призеры һәм җиңүчеләре.

Тәбрикләү берничә секциядә үтте. Беренче булып сәхнәгә бөтенроссия һәм халыкара олимпиада призерлары һәм җиңүчеләре күтәрелде. "Олимп биеклегендә" номинациясендә - Альбина Вәлиева, Анастасия Иванова, Анастасия Щербакова, Полина Болгова, Данис Вәлиев, Ангелина Белоусова, Роман Кадышев, Исмигөл Сәләмова, Әминә Мортазина, Лия Хаәмитова, Тимур Тукаев.

Аннан башка олимпиада призерлары һәм җиңүчеләренең исемнәре яңгырады. Алар барысы да Бөгелмә районы башлыгы Линар Закиров премиясен алачак.

Сүз уңаенда шуны да әйтергә кирәк, 25 майда 11 сыйныфның 477 укучысы өчен соңгы кыңгырау чыңлаячак. Аларның кайберләрен "Яхшы укучылар - 2019 слеты" нда данладылар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10