ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Быел татарстанлыларны эчә торган су белән тәэмин итүгә 685 миллион сум тотылачак

24 май 2019, 08:00 , Фото: Т.Волкова рәсеме

Быел татарстанлыларны эчә торган су белән тәэмин итүгә 685 миллион сум тотылачак Республикада суүткәргеч челтәрләре, су башнялары һәм артезиан скважиналарын төзү һәм төзекләндерү планлаштырыла.

(Казан, 24 май, "Татар-информ"). Татарстан халкын эчә торган су белән тәэмин итү максатын тоткан республика программасы буенча 2019 елда 256 километр суүткәргеч челтәре, 50 су башнясы һәм 36 артезиан скважинасы төзү планлаштырыла. Бу максатларга 685 миллион сум акча бүленгән.  

Үткән ел Татарстанда 221 километр суүткәргеч челтәрен, 39 су башнясын һәм 36 артезиан скважинасын төзеп һәм төзекләндереп булган. Бу эшләргә барлыгы 650 миллион сум акча тотылган.

 

Татарстан халкын эчә торган су белән тәэмин итүче республика программасы халыкны су белән тәэмин итүнең сыйфатын күтәрү өчен 2010 елдан тормышка ашырыла.

2017 елга кадәр төбәктә барлыгы 2 мең 90 километр суүткәргеч челтәре, 301 су башнясы, 313 артезиан скважинасы төзелгән һәм төзекләндерелгән. Финанслау күләме – 5 миллиард сумнан артык.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10