ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Туризм белгечләрен Worldskills технологиясе буенча күрсәтмә имтиханга чакырдылар

23 май 2019, 21:15 , Фото: Владимир Васильев

Туризм белгечләрен Worldskills технологиясе буенча күрсәтмә имтиханга чакырдылар Көллиятнең чыгарылыш укучысы туристик оешмаларга үзенең нәрсә белгәнен күрсәтә ала.

(Казан, 23 май, «Татар-информ», Гөлнар Гарифуллина). Тимирясов исемендәге Казан инновацион университеты Worldskills технологиясе буенча күрсәтмә имтихан уздыра. Татарстанның Туризм буенча дәүләт комитеты рәисе Сергей Иванов туризм өлкәсе белгечләрен шул имтиханны карарга чакырды.

Күрсәтмә имтихан турында, WorldSkills Russia VII илкүләм чемпионат финалының эшлекле программасы кысаларында, "Төбәктә туризм үсеше өлкәсендә хезмәттәшлек: бизнес, мәгариф, хакимият органнары" темасына стратегик сессиясендә Казан инновацион университеты ректоры Асия Тимирясова сөйләде. Ул республикада беренче булып, көллиятне тәмамлаганнар өчен 2018 елда туризм юнәлеше буенча шушы процедура уздырыла башлавын әйтте.

"Бу имтихан сынау режимында студентлар өчен ирекле рәвештә үткәрелә. Көллиятнең чыгарылыш укучысы оешмаларга үзенең нәрсә белгәнен күрсәтә ала. Күрсәтмә имтиханны узган һәм компетенция паспорты алган яшь белгечләр белешмә базасына кертелә. Бу база белән республиканың барлык әйдәп баручы предприятиеләре таныша ала, персонал сайлаганда бу аларга ярдәм итә ала", - диде Асия Тимирясова.

"Бер айдан күрсәтмә имтихан узачак. Бу процедура ачык рәвештә уза. Килеп карый һәм үзегезгә булачак белгечне сайлый аласыз", - диде. Аның сүзләрен җөпләп, Сергей Иванов: "Туристик компанияләргә акыллы менеджерлар гел кирәк. Килеп карарга өндим. Бәлки, булачак эшчеләрегезне табарсыз", - диде.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10