ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Мәдәният

Төркиянең театрлары директоры Татарстан коллективларын хезмәттәшлеккә чакырган

23 май 2019, 15:47 , Фото: mincult.tatarstan.ru

Төркиянең театрлары директоры Татарстан коллективларын хезмәттәшлеккә чакырган Казанга Төркиянең дәүләт театрлары генераль директоры Мостафа Курт килгән.

(Казан, 23 май, “Татар-информ”, Рузилә Мөхәммәтова). Төркиянең дәүләт театрлары генераль директоры Мостафа Курт Татарстан театрлары белән актив хезмәттәшлек итәргә тели. Бу хакта ТР Мәдәният министрлыгының матбугат хезмәте хәбәр итә.

Төркиянең дәүләт театрлары генераль директоры Мостафа Курт хезмәттәшлек турында теләкләрен Татарстанга визиты вакытында мәдәният министры Ирада Әюповага җиткергән. “Без Татарстан театр коллективларының Төркия театр фестивальләрендә катнашырга чакырабыз. Режиссерлар һәм артистлар алмашу мөмкинлеге дә бар”, - дигән Мостафа Курт.

Очрашу Төркиянең Казандагы генераль консулы Әхмәт Садыйк Доган һәм Татарстан театрлары директорлары катнашында мәдәният министрлыгында үткән.

Төркиянең дәүләт театрлары генераль директоры Мостафа Курт, министр Ирада Әюпова үтенече буенча, Төркиядә театр эшен оештыру тәҗрибәсе белән уртаклашкан.

Дәүләт театрлары идарәсе илнең 58 театрын берләштерә. Идарә илнең Мәдәният һәм туристлык министрлыгы карамагында.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10