ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Спорт

Казан баскетболчылары ВТБ бердәм лигасының ярымфинал этабын җиңүдән башлады

22 май 2019, 22:55 , Фото: Ильнар Тухбатов/архив

Казан баскетболчылары ВТБ бердәм лигасының ярымфинал этабын җиңүдән башлады Бүген Казанда “УНИКС” – “Химки” уены булды.

(Казан, 22 май, “Татар-информ”, Гөлия Хәсбиуллина). Бүген Казанның “УНИКС” баскетбол командасы Мәскәү өлкәсенең “Химки” командасын җиңде. Әлеге ике команда ВТБ бердәм лигасының ярымфинал этабының беренче уенын үткәрде. Матч Казанда “Баскет-холл”да узды.

“УНИКС”, чирек финалда Таллинның “Калев” командасын өч уенның өчесендә дә җиңеп, ярымфинал этабына узган иде. Ярымфиналның беренче уены да Казан баскетболчылары өчен җиңү белән төгәлләнде.

Беренче чиректә “УНИКС” 5 очкога калышты – 20:25.

Икенче чиректә дә “УНИКС”ның калышуы 5 очконы тәшкил итте – 43:48.

Өченче чирек исәбе шулай ук “Химки” спортчылары файдасына булды – 64:74.

Дүртенче чиректә һәм гомуми исәп буенча “УНИКС” җиңеп чыга алды – 96:91.

  • “УНИКС” – “Химки” ярымфинал сериясенең икенче уены шулай ук Казанда “Баскет-холл”да узачак. Матч 24 майда 19:00 сәгатьтә башлана. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10