ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Җәмгыять

Дәүләт Думасы өлкәннәргә хезмәт күрсәтүдән баш тарткан өчен штраф кертә

22 май 2019, 20:18

Сүз кулланучының сәламәтлегенә яки яше буенча чикләүләр аркасында товарларга яки хезмәтләрдән файдалана алмавы турында бара.

(Казан, 22 май, «Татар-информ»). Дәүләт Думасы өлкән яшьтәгеләргә һәм инвалидларга хезмәт күрсәтүдән баш тарткан өчен административ штрафлар кертү турында закон проектын беренче укылышта кабул итте. Бу турыда РИА-Новости хәбәр итә.

Документ административ хокук бозулар турында кодексның 14.8 маддәсен тулыландырырга тәкъдим итә. Сүз кулланучының сәламәтлегенә яки яше буенча чикләүләр аркасында товарларга яки хезмәтләрдән файдалана алмавы турында бара.

Бу проектта вазыйфаи затларга 15 меңнән 30 мең сумга кадәр һәм юридик затларга 50 меңнән 100 мең сумга кадәр штраф каралган, диелә аңлатма язуында.

Искәрмәләр авиапассажирларга, транспорт чарасы белән идарә итү мөмкинлеген тәэмин итүгә, куркыныч күңел ачу объектларына (аттракционнарга) керү, шулай ук балигъ булмаганнарга товарларның аерым төрләрен сатуга кагыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10