ҺАВА ТОРЫШЫ +8 oC

Яңалыклар

барлык хәбәрләр Татарстан Россия
×

Җәмгыять

Казан үзенең хәләл тортын тәкъдим итә

22 май 2019, 20:25 , Фото: kzn.ru

Казан үзенең хәләл тортын тәкъдим итә «Казан» милли торты WorldSkills Kazan 2019 дөнья чемпионатына сатуга куелачак.

(Казан, 22 май, «Татар-информ»). Казанның үз хәләл торты барлыкка килде, аны WorldSkills Kazan 2019 дөнья чемпионатына сата башларга планлаштырылар. Бу хакта Казан мэриясе матбугат хезмәте хәбәр итә.

«Мондый тортны моннан 50 ел элек ясарга тырыштылар, ул чакта ул җиңел эремчекле кремлы һәм кипкән җиләк-җимешле уалучан корждан тора иде. Без уалучан камырны миндаль бисквит белән алыштырдык һәм милли тәм-томнарны өстәдек. Бер каты чәкчәктән, икенчесе -  гөбәдия өчен кулланыла торган корт, күрәгә, караҗимеш кулландык. Барысын да бер тортка берләштердек», — дип сөйләде Татарстан шеф пешекчесе Николай Велесов.

Аның сүзләренә караганда, хәзер Татарстан башкаласында башка дөнья башкалалары белән беррәттән үзенең исемле торты барлыкка киләчәк. «Прага» торты, Тула прәнниге, Киев торты һ.б. кебек десертлар һәркемгә таныш.

Хәзер «Казан» торты «Хәләл» стандарты буенча комитетта һәм Роспотребнадзорның Татарстан буенча идарәсендә мәҗбүри сертификация уза. Велесов «хәләл» стандартларына туры килү билгесен алу өчен әзерләнгән вакытта ясалма компонентлар, буяулар һәм өстәлмәләр кулланудан качарга кирәклеген аңлатты.

Торт калорияле килеп чыккан, чөнки 100 г продуктта 500 ккал бар. Табигый продуктлар куллану аркасында эшләнмәнең яраклылык срогы нибары 72 сәгать тәшкил итә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10