ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Мәдәният

ТАССРның 100 еллыгына «Татарстан аһәңнәре» музыкаль-мәгърифәти порталы ачылачак

22 май 2019, 18:23 , Фото: gossov.tatarstan.ru

ТАССРның 100 еллыгына «Татарстан аһәңнәре» музыкаль-мәгърифәти порталы ачылачак Алга таба әлеге портал белем бирү платформасы да булыр дип күздә тотыла.

(Казан, 22 май, “Татар-информ”, Рузилә Мөхәммәтова). ТАССРның 100 еллыгына «Век татарской музыки – Татарстан аһәңнәре» музыкаль-мәгърифәти порталы эшли башлаячак. Бу хакта ТР Дәүләт Советында Татарстан Республикасында музыка сәнгате үсеше буенча үткәрелгән матбугат конференциясендә профессор Вадим Дулат-Алеев әйтте.

Вадим Дулат-Алеев бу проект “Татарстанның музыкаль паркы” дип тәкъдим итте. “Биредә классик, заманча, традицион, эстрада музыкасы да булачак. Татарстан музыкасына өлеш керткән шәхесләр дә урын алачак”, - дип порталга анонс бирде аның авторы.

Порталның мәгълүмати өлеше өч телдә – татарча, русча һәм инглизчә булачак. Ә нигездә бөтен материал татар һәм рус телләрендә булыр дип планлаштырыла.

Алга таба әлеге портал белем бирү платформасы да булыр дип күздә тотыла.

  • ТР Дәүләт Советында журналистларга Татарстан Республикасы музыка сәнгате үсеш концепциясе тәкъдим ителде. Татарстан Республикасы мәдәният министрлыгы концепция буенча эш башлады. Концепцияне ТР Мәдәният министрлыгы каршында оешкан эшче төркем әзерләгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10