ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Татар дөньясы

Туймазы шәһәрендә Тукай бюсты ачылды

22 май 2019, 14:29 , Фото: tatar-congress.org

Туймазы шәһәрендә Тукай бюсты ачылды Меценат һәм эшкуар Фәнир Галимов шулай итеп күптәнге хыялын тормышка ашырган.

(Казан, 22 май, "Татар-информ"). Башкортстанның Туймазы шәһәрендәге “Төмәнәк” татар тарихи-мәдәни үзәге каршына Габдулла Тукай бюсты куелды. Бу турыда Бөтендөнья татар конгрессы матбугат хезмәте хәбәр итте.

"Башкортстанның атказанган мәдәният хезмәткәре, Татарстанның атказанган артисты, композитор, меценат һәм эшкуар Фәнир Галимов шулай итеп күптәнге хыялын тормышка ашырды, үзенең милләтенең тугры улы булуын, аның үсеше өчен җан атуын чираттагы тапкыр исбат итте", диелә бу хәбәрдә.

Фәнир Галимов “Төмәнәк” татар тарихи-мәдәни үзәген, Төмәнәк төбәгендә ачык һавада “Бабай утары” музей-комплексы оештырган. 

"Ел башында эшләп киткән “Тәртип-Туймазы” радиосы да милләт­тәшләрне туган телдә сә­ламли. Һәм менә инде Тукай бюсты да күпләр, бигрәк тә яшьләр өчен фәһемле очрашу урыны булыр", диелә бу хәбәрдә.

Тукай бюстын ачу тантанасына район хакимияте вәкилләре, татар җәмәгать­челеге, укытучылар, укучылар, күрше районнардан, Татарстаннан кунаклар килгән. Ахырда үзәкнең як­шәмбе мәктәбендә тәр­бияләнүче балалар кечкенә концерт күрсәткән


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10