ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Актанышта праймеризга багышланган брифинг үткәрелде

22 май 2019, 05:00

Праймериз өчен Актаныш районы территориясендә барлыгы 7 исәп участогы төзелде.

(Актаныш, 22 май ,"Татар-информ", "Актаныш таңнары", Лилия Бәхтиева).  Актаныш районында 26 майда узган брифинг праймеризга багышланды. Бу турыда җирле басма хәбәр итә.

Бу уңайдан алдан тавыш бирү (праймериз) 26 майда үткәрелеп, ул рейтинглы булачак, ягъни сайлаучылар бер һәм берничә кандидат өчен үз тавышларын бирә алачак. Халыктан максималь тавыш алган праймериз җиңүчеләре алтынчы чакырылыш Татарстан Республикасы Дәүләт Советына депутатлыкка сайлауларга тәкъдим ителәчәк.

Аның эшендә Актаныш районы Советы рәисе урынбасары Рәйхан Галимҗанова, район Советы аппараты җитәкчесе Альберт Тимиров, “Бердәм Россия” сәяси партиясенең Актаныш җирле бүлеге башкарма комитеты җитәкчесе Зәһинә Исламовалар катнашты.

Бердәм сайлау исемлегендә 102 депутат күрсәтелсә, Ык буе бер мандатлы округтан Татарстан Республикасы Дәүләт Советына депутатлыкка 6 кандидат дәгъва кыла. Алар: Татарстан Дәүләт Советы депутатлары Альберт Хәбибуллин, Ирек Шәрипов, Актаныш районы башлыгы Энгель Фәттахов, Мөслим районы башлыгы Рамил Муллин, Минзәлә районы башлыгы Айдар Сәлахов, Лемон Леронов. Алтынчы чакырылыш Татарстан Республикасы Дәүләт Советына депутлыкка аларның икесе генә сайланачак.

Праймериз өчен Актаныш районы территориясендә барлыгы 7 исәп участогы төзелде. Участоклар Актаныш үзәгендә  һәм 5 авыл җирлегендә эшләячәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10