ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

Косметолог: Татар халкында сөлек белән дәвалану электән булган

21 май 2019, 15:22 , Фото: Салават Камалетдинов

Косметолог: Татар халкында сөлек белән дәвалану электән булган Белгеч сүзләренчә, ул – дәлилләнмәгән медицина.

(Казан, 21 май, “Татар-информ”, Зилә Мөбәрәкшина). Яшь косметолог, табиб Ясминә Усманова сөлекләр белән дәвалану татар халкыннан таралган, дигән фикерен әйтте. Бу хакта ул “Татар-информ”га биргән әңгәмәсендә сөйләде.

“Безнең әби-бабаларыбыз да сөлекләр белән дәваланган. Гомумән, сөлек белән дәвалану – татарлардан килгән гадәт. Бездә аны Совет чорында юкка чыгарып бетергәннәр. Шул ук Кытай, Япониядә ул сакланып калган, тик аның төп чыгышы бездә. Элек сөлек белән дәвалану татарларда киң таралыш алган булган”, - диде ул.

Ясминә Усманова һәр авылда сөлек куйдыра торган әбиләр булуын әйтте. “Алар бер үк сөлекне берничә тапкыр куллана торган булган: канын гына чыгарган һәм яңадан куйган”, - диде ул.

Белгеч сүзләренчә, хәзер сөлекләрне микроорганизмнардан саклану максаты белән бары бер тапкыр гына кулланалар, аны берничә тапкыр куллану ярамый. “Ул – дәлилләнмәгән медицина, сөлекләр белән бик мавыга алмыйбыз. Фән бу өлкәне дә өйрәнсен иде дигән теләктә калам”, - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10