ҺАВА ТОРЫШЫ -14 oC

Яңалыклар

барлык хәбәрләр Татарстан Россия

Җәмгыять

Быел беренче тапкыр “Тату сыйныф серләре” сменасы өчен 250 юллама каралган

21 май 2019, 13:15

Уку елы дәвамында ачыкланган иң яхшы сыйныф укучылары ата-аналары белән бергә ял итә алачак.

(Казан, 21 май, “Татар-информ”, Гөлнар Гарифуллина). Быел Татарстанда, балалар өчен җәйге ял кампаниясе кысаларында, “Тату сыйныф серләре” махсус сменасы оештырыла. Бу хакта бүген ТР Министрлар Кабинетында брифингта Татарстанның мәгариф һәм фән министры урынбасары Алсу Әсәдуллина әйтте.

Әлеге смена Биектау районында “Костер” республика балалар үзәгендә 6 августтан 23 августка кадәр узачак. Сменада әти-әниләре белән укучыларга 250 юллама каралган. Иң яхшы сыйныфлар уку елы дәвамында бәйгедә ачыкланган. Алар иҗади, музыкаль ярышларда көч сынашкан. Районнарда җиңүчеләр шушы сменага чакырыла.

“Конкурсның популярлыгы арта. Бүген балалар һәм ата-аналарның мөнәсәбәтләре беренче планга куела. Без укучылар һәм ата-аналарга бергә аралашып ял итү өчен шартлар тудырырга тиеш”, - дип әйтте Алсу Әсәдуллина.

Сменага ата-аналар һәм сыйныф җитәкчесе белән җиңүче сыйныф укучылары барысы да бара ала. Бер укучы өчен ата-аналар взносы 6 мең сум тәшкил итә.

Министр урынбасары, быелгы яңалыклардан, шулай ук, тәрбиягә бала алган гаиләләрнең дә мәнфәгатьләре исәпкә алыначагын әйтте. Аның сүзләренчә, мондый сменаларны дефектолог, табиблар катнашында оештырырга була. “Мондый гаиләләрдәге проблемалар программада исәпкә алыначак”, - диде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10