ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Бу ел җәендә Татарстанда 218 меңнән артык бала лагерьларда ял итә алачак

21 май 2019, 10:27 , Фото: Султан Исхаков/архив

Бу ел җәендә Татарстанда 218 меңнән артык бала лагерьларда ял итә алачак
Кара диңгез ярында 5 мең 750 бала ял итәчәк.

(Казан, 21 май, "Татар-информ", Гөлнар Гарифуллина). Быел Татарстанда 218 мең 672 баланы лагерьларда ял иттерү ниятләнә. Алар 1815 ял-сәламәтләндерү оешмасында ял итәчәк. Бу хакта ТР Министрлар Кабинетында брифингта яшьләр эшләре министры Дамир Фәттахов хәбәр итте.

Җәйге сәламәтләндерү кампаниясе кысаларында, 118 стационар лагерь, 9 санатор-курорт ешмасы, чатыр тибында эшләүче 79 лагерь эшләячәк. 1 июньдә 31 сәламәтләндерү оешмасына урнаштыру ниятләнә.

Дамир Фәттахов Кара диңгез ярында 5 мең 750 бала ял итәчәген әйтте. Аерым социаль категория өчен 54 мең 831 бушлай юллама әзерләнгән.

2018 елда республикада шулай ук 218 меңнән артык бала җәйге ял программасына кертелгән булган.

Җәйге ял буенча сораулар белән 293-12-91 номеры буенча Республика ведомствоара комиссиясенең кайнар элемтәсенә мөрәҗәгать итәргә була. Телефон тәүлек буе эшли.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10