ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Samsung җитәкчелегенә рәхмәт белдерде

20 май 2019, 17:42 , Фото: tatarstan.ru

Рөстәм Миңнеханов Samsung җитәкчелегенә рәхмәт белдерде Һөнәри осталык буенча дөнья чемпионаты Казанда 2019 елның августында узачак.

(Казан, 20 май, «Татар-информ»). Татарстан Президенты Рөстәм Миңнеханов WorldSkills International һәм Samsung Electronics җитәкчелеге белән очрашу уздырды, аларга Казанда WorldSkills-2019 дөнья чемпионатына әзерлеккә игътибар итүләре өчен рәхмәт белдерде. Әңгәмә барышында Татарстан Президенты шулай ук Көньяк Корея компаниясенең Россия җыелма командасы әгъзаларын укытуда ролен билгеләп үтте.

Встреча с руководством международной организации WorldSkills International и компании Samsung Electronics

«Без Samsung Skills уку үзәгендә Россия җыелма командасы вәкилләрен дөнья чемпионатына әзерләү алып барылуына рәхмәтле. Безнең белгечләр анда белем алу мөмкинлегенә ия булды. Бу компетенцияне шактый яхшыртырга һәм һөнәри әзерлек дәрәҗәсен арттырырга мөмкинлек бирә», - диде Рөстәм Миңнеханов. «Без Сезнең компаниянең Казанда WorldSkills чемпионатының генераль партнеры булуына шат», - дип өстәде ул.

Встреча с руководством международной организации WorldSkills International и компании Samsung Electronics

Бүген Татарстан Хөкүмәте Йортында WorldSkills Intrernational һәм Samsung Electronics компаниясе арасында хезмәттәшлек турында партнерлык килешүе имзаланды. Документка WorldSkills президенты Саймон Бартли һәм Samsung Electronics Глобаль технологик үзәге башлыгы, Samsung Skills бүлекчәсе генераль секретаре Донг Сеоб Джанг имза салды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10