ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Татар дөньясы

Түбән Новгород татар авыллары буйлап экскурсия уздыралар

20 май 2019, 15:28

Экскурсияләрне оештыруда Түбән Новгород өлкәсе Хакимияте ярдәм күрсәтә.
(Казан, 20 май, "Татар-информ"). 25 майда Түбән Новгородта төрле милләт вәкилләре өчен өлкәнең татар авыллары буйлап экскурсия оештырачаклар. Бу хакта җирле Татар милли-мәдәни автономиясе хәбәр итә. 
 
Мондый чаралар җирлектә икенче тапкыр уздырыла. Экскурсияләрне оештыруда Түбән Новгород өлкәсе Хакимияте ярдәм күрсәтә. 
 
Программага килгәндә, кунаклар экскурсияне Мәдәнә авылындагы Түбән Новгород татарлары тарихына багышланган этнографик музей белән танышудан башлаячак. Ул "Рәшидә" мәчетендә урнашкан. 
 
Шуннан соң Уразавылдагы өлкәннәр йортына бару планлаштырыла. 
 
Соңрак исә экскурсиядә катнашучылар Семеновка һәм Пошатово авыллары арасында урнашкан "Шахитлар каберлеге"ндә булачаклар. Бу урында моннан 100 ел элек мөселманнар атып үтерелгән. Җирле татарлар әлеге урында истәлек билгесе куярга планлаштыра. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10