ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Авыл

Спас районында яхшы нәтиҗәләргә ирешкән игенчеләргә бүләкләр тапшырдылар

20 май 2019, 07:00

Район башлыгы Камил Нугаев басу хезмәтчәннәрен хезмәттә ирешкән югары нәтиҗәләре белән котлады, аларга киләчәктә дә уңышлар теләде.

(Спас, 20 май, "Татар-информ", "Яңа тормыш"). Спаста язгы кыр эшләрендә яхшы нәтиҗәләргә ирешкән механизаторларга район башлыгының Рәхмәт хатлары һәм кыйммәтле бүләкләр тапшырылды. Бу турыда җирле басма хәбәр итә.

Әлбәттә инде, күптән килә торган матур гадәт буенча, бүләкләрне эш урынында, ягъни кырда тапшырдылар, район башлыгы Камил Нугаев басу хезмәтчәннәрен хезмәттә ирешкән югары нәтиҗәләре белән котлады, аларга киләчәктә дә уңышлар теләде.

Быел бүләккә “ВЗП” Булгар” җәмгыяте механизаторы Александр Глухов лаек булды. Ул “Нью Холланд” тракторында “Хорш” комплексы белән сабан культуралары чәчә. Шунысын әйтергә кирәк, хуҗалыкта чәчүне инде тәмамлап киләләр.

Бүләкләрне Антоновка авылы басуында да тапшырдылар. Биредә “Авангард” җәмгыяте механизаторы Александр Абасев, Александр Планин, Айсылу Мөхәммәтова һәм Андрей Синицин крестьян (фермер) хуҗалыгыннан Михаил Владимиров, Владимир Салмин һәм Ринат Зарипов Рәхмәт хатлары белән бүләкләнделәр. 

Бүләкләү тантанасында шулай ук район авыл хуҗалыгы һәм азык-төлек идарәсе җитәкчесе Дмитрий Савинов, хуҗалык җитәкчеләре, авыл җирлеге башлыклары да катнашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10