ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Җәмгыять

Татарстан синоптиклары яңгыр һәм юеш кар турында кисәтә

19 май 2019, 17:40 , Фото: архив/Владимир Васильев

Татарстан синоптиклары яңгыр һәм юеш кар турында кисәтә
 Төнлә урыны белән республикада һава температурасы -2 градуска кадәр булырга мөмкин.

(Казан, 19 май, «Татар-информ»). Иртәгә, 20 майда, Татарстанда аязучан болытлы һава көтелә. Урыны белән яңгыр булачак, төнлә һәм иртән юеш кар явачак. Бу хакта Татарстан Гидрометеорология үзәге хәбәр итә.

Төнге сәгатьләрдә термометр баганалары ноль градуска кадәр төшә. Шул ук вакытта, «Татар-информ» мәгълүмат агентлыгы хәбәр иткәнчә, республикада кайбер урыннарда туфракта -2 градуска кадәр кырау булырга мөмкин.

Көндез һава +10...+15 градуска кадәр җылына. Бүгенгедән бераз җылырак булачак. Татарстан Гидрометеорология һәм әйләнә-тирә мохитне күзәтү идарәсе мәгълүматлары буенча, 17.10 сәгатьтә Казанда һава температурасы 7,5 градус җылылыкта булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10