ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Спорт

“Зенит” Берлиннан икенче урынны яулап алып кайта

18 май 2019, 21:54

Казанның “Зенит” волейболчылары Чемпионнар лигасы финалында җиңелде.

(Казан, 18 май, “Татар-информ”, Гөлия Хәсбиуллина). 18 май кичендә Казанның “Зенит” волейбол командасы Чемпионнар лигасының финал этабында җиңелде һәм әлеге ярышта көмеш медальләр иясе булды. Финалда Казан волейболчылары Италиянең Чевитанова-Марке шәһәренең “Кучине-Лубе” командасы белән көч сынашты. Уен Берлинда узды.

Чемпионнар лигасы – Европаның әйдәп баручы волейбол командалары ярышы. Дүрт ел рәттән бу ярышта чемпион титулын яулаган “Зенит” бу сезонда икенче булып калды. Узган 2017-2018 еллар сезонында да Казан волейболчылары финалда шул ук “Кучине-Лубе” командасы белән очрашкан иде. Ул вакытта җиңелгән Италия волейболчылары быел чемпион калдылар.

Беренче сетта “Зенит” 9 очкога алга чыгып җиңде: 1-0 (25:16).
Икенче сетта Чевитанова-Марке волейболчылары оттылар: 1-1 (15:25).
Өченче сетта да “Кучине-Лубе” командасы өстенлекне алды: 1-2 (12:25).
Дүртенче сетта һәм гомуми исәп буенча “Зенит” оттырды: 1-3 (19:25).

"Зенит" волейбол командасының старт составы: Мэтью Андерсон, Максим Михайлов, Артём Вольвич, Вадим Лехошерстов, Александр Бутько, Эрвин Нгапет, Алексей Вербов, Валентин Кротков. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10