ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Авыл

Татарстан аграрийлары шикәр чөгендерен чәчүне төгәлләде

18 май 2019, 12:25 , Фото: архив

Татарстан аграрийлары шикәр чөгендерен чәчүне төгәлләде Быел Татарстанда уналты районда шикәре чөгендере чәчтеләр.

(Казан, 18 май, "Татар-информ"). Татарстан аграрийлары шикәр чөгендерен чәчүне төгәлләде. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

"Оператив белешмәләр буенча, бу техник культура 17 майга 64,3 мең гектар мәйданда чәчелгән, ә план буенча - 65,6 мең га", дип билгеләп үтте Министрлыкның игенчелек тармакларын үстерү бүлеге башлыгы Ирек Садыйков. "Шикәр чөгендеренә узган ел да шундый ук мәйдан – 64,3 мең га бүленгән иде", – дип өстәгән ул.

Республикада шикәр чөгендере барлык районнарда да чәчелми. Быел аны 43 муниципаль районның уналтысында чәчтеләр.

"Шикәр чөгендеренең иң күп мәйданы Сарман районында – биредә ул 9,4 мең га чәчелгән. Зәй районында бу культураны - 9,3 мең га мәйданда, Буа районында 8,6 мең га чәчкәннәр, буалылар планы буенча ул - 8,9 мең га әле", – дип сөйләгән  Ирек Садыйков. Ул тагын, республикада 2018 елда шикәр чөгендеренең тулаем уңышы 2,1 млн тоннадан артык булды, дип тә әйткән.

Шикәр чөгендере республиканың өч шикәр заводында эшкәртелә. Узган сезонда Татарстан хуҗалыкларында җитештерелгән чөгендер чималыннан 275 мең тонна шикәр әзерләнгән.

"Татарстан республикада үстерелгән шикәр чөгендере хисабына эчке ихтыяҗны тулысынча тәэмин итә. Шикәр комының бер өлеше Татарстаннан читкә дә сатыла", – дигән Министрлыкның азык-төлек базарын үстерү бүлеге башлыгы Дмитрий Яшин.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10