ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Җәмгыять

Казан түрәләре мәктәп ашханәләрен тикшерергә кереште

17 май 2019, 19:07 , Фото: архив/Регина Гумарова

Казан түрәләре мәктәп ашханәләрен тикшерергә кереште Башкарма комитет вәкилләре мәктәп ризыгында кайбер җитешсезлекләр тапты.

(Казан, 17 май, «Татар-информ»). Казан түрәләре мәктәп ашханәләрен тикшерергә кереште. «Контроль» төшке ашлар вакытында ачыкланган барлык җитешсезлекләрне 1 сентябрьгә төзәтәчәкләр. Бу хакта мэриянең матбугат хезмәте хәбәр итә.

«Яңа уку елы башланганчы Казан мәктәпләрендә «контроль» төшке ашлар вакытында ачыкланган барлык җитешсезлекләрне дә төзәтергә кирәк», - диелә матбугат хезмәте хәбәрендә.

Башкарма комитет вәкилләре мәктәп ризыгында кайбер җитешсезлекләр тапты инде. Әйтик, «ланч-бокс» туклану системасы кулланыла торган мәктәпләрдә түрәләр ризыкның салкын, фрикаделька һәм кәтлитләрнең тәмсез, шулай ук сыер итенең каты булуына зарланган.

«Моннан ун ел элек булдырылган укучыларны мәктәптә ашату системасы актуальләштерү, төзәтмәләр кертү, шәһәр хакимияте һәм мәктәп администрациясенең җитди игътибарын таләп итә», - дип искәртте Казан мэры Илсур Метшин.

Мәктәпләрдә «контроль» төшке ашлар май ахырына кадәр дәвам итәр дип көтелә, ә яңа уку елыннан бу эш яңадан башланачак. Моннан тыш, киләсе уку елында мәктәп ашханәләрендә 45 миллион сумга җиһазларны яңартырга һәм 11 миллион сумга җитешмәгән савыт-саба сатып алырга ниятлиләр, дип искәрттеләр мэриядә.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10