ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Җәмгыять

Июнь аенда ике көн өстәмә ял булачак

17 май 2019, 13:02 , Фото: Салават Камалетдинов/архив

Июнь аенда ике көн өстәмә ял булачак 3 һәм 11 июньдә республикада яшәүчеләр бер сәгатькә кимрәк эшләячәк.

(Казан, 17 май, «Татар-информ»). Июньдә Татарстан халкын берьюлы ике өстәмә ял көне көтә. Бу хакта Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

“Россия Хезмәт кодексының 112 нче маддәсе нигезендә 12 июнь – Россия көне, эшләми торган бәйрәм көн булып тора. “Татарстанның бәйрәм көннәре һәм истәлекле даталары турында”гы Татарстан Республикасы Законы нигезендә, Ураза гаете дә республикада эшләми торган бәйрәм була ”, - дип аңлатыла хәбәрдә.

Быел Татарстан Республикасы Президенты Указы нигезендә Ураза бәйрәме 4 июнь көн була. Шулай итеп, 4 һәм 12 июнь көннәре эшләми торган көннәр булып санала. Бәйрәм алдыннан 3 һәм 11 июнь көннәрендә эш көннәре бер сәгатькә кыскартылачак.

Быел республика халкы барлык бәйрәмнәр, шимбә һәм якшәмбе көннәрендә 121 көн ял итәчәк. Җитештерү календаре нигезендә, бу ел дәвамында татарстанлыларга 244 эш көне туры киләчәк. Бәйрәм алдыннан тугыз көн (22 февраль, 7 март, 30 апрель, 8 май, 3 һәм 11 июнь, 29 август, 5 ноябрь, 31 декабрь) бер сәгатькә кыскартылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10