ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Кече Әтнә авылында төзелеш будкасында янгында өч кеше имгәнгән

17 май 2019, 12:29

Төрле дәрәҗәдә пешкән эшчеләрне Әтнә Үзәк район хастаханәсенә озатканнар.

(Казан, 17 май, «Татар-информ»). Кече Әтнә авылында төзелеш будкасында чыккан янгында юл хезмәткәре булып эшләүче өч кеше зыян күргән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген иртән Гражданнар оборонасы эшләре һәм гадәттән тыш хәлләр министрлыгына Кече Әтнә бистәсендә төзелеш будкасы януы турында хәбәр килде. Янгын аркасында юл ремонтлаучы өч ир-ат зыян күргән», - диелгән министрлык хәбәрендә.

Төрле дәрәҗәдә пешкән ир-атларны Әтнә Үзәк район хастаханәсенә озатканнар.

Белгечләр янгын чыгу сәбәпләрен тикшерә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10