ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Спорт

Фәрит Мөхәммәтшин Путин исемендәге бокс буенча Кубокның Казан ярымфиналын ачты

17 май 2019, 11:01 , Фото: Михаил Захаров

Фәрит Мөхәммәтшин Путин исемендәге бокс буенча Кубокның Казан ярымфиналын ачты Республика парламенты җитәкчесе сәламләү сүзендә Татарстанның күп шәһәрләрендә бокс белән шөгыльләнүләрен әйтте.

(Казан, 17 май, “Татар-информ”, Дмитрий Киселев). Казанның “Баскет-холл” спорт комплексында кичә “РФ Президенты В.В.Путин исемендәге бокс буенча Кубок” турнирының ярымфинал этабы узды. Кичәнең төп көрәшләрен Татарстан Дәүләт Советы Рәисе Фәрит Мөхәммәтшин, Татарстанның спорт министры Владимир Леонов һәм Россия Бокс федерациясе генераль секретаре Умар Кремлев ачтылар.

Татарстан Дәүләт Советы Рәисе Фәрит Мөхәммәтшин турнирның беренче катнашучыларын һәм кунакларын республика җитәкчелеге исеменнән сәламләде. “Бокс республикабызның күп шәһәрләрендә үстерелә. Бу - һәр спортчыдан характер, осталык һәм җиңүгә омтылыш күрсәтүне таләп итә торган кыю спорт төре”, - дип ассызыклады ул.

Моннан тыш, республика парламенты башлыгы төбәктә яшәүчеләр актив рәвештә физик культура белән шөгыльләнүен искәртте. Татарстан спортның күп төрләре буенча федераль, Европа һәм халыкара дәрәҗәдә лаеклы рәвештә тәкъдим ителде, дип өстәде ул.

Элегрәк “Татар-информ” мәгълүмат агентлыгы кичәге ярышларда WBA Continental чемпионы исеме өчен титуллы көрәштә Россия боксчысы Федор Чудинов Германия спортчысы Рафаэль Бежаранны җиңүен хәбәр иткән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10