ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Фән һәм мәгариф

Татарстанда балалар бакчаларында 15 меңнән артык өстәмә урын булдырылачак

16 май 2019, 19:43 , Фото: архив

Татарстанда балалар бакчаларында 15 меңнән артык өстәмә урын булдырылачак "8 млрд сумнан артык акча тотылачак, шул исәптән федераль бюджеттан – 2,7 млрд сумнан артык", - дигән ТР Мәгариф һәм фән министры урынбасары.

(Казан, 16 май, "Татар-информ"). Татарстанда дүрт ел эчендә балалар бакчаларында 15 меңнән артык өстәмә урын булдырылачак. Бу турыда Татарстан Мәгариф һәм фән министрлыгы матбугат хезмәте хәбәр итте.

"Татарстанда 2020 – 2021 елларда балалар бакчаларында 9 мең өстәмә урын булдырылачак. 2018 елдан 2021 елга кадәр республикада барлыгы 15 меңнән артык өстәмә мәктәпкәчә урыннар барлыкка киләчәк", - дип сөйләгән ТР Дәүләт Советында илкүләм проектлар кысаларында гаиләләргә ярдәм итү буенча иҗтимагый тыңлауларда ТР Мәгариф һәм фән министры урынбасары Азат Шәрәпов.

Азат Шәрәпов ачыклаганча, яңа ун балалар бакчасы Казанда төзеләчәк. Тагын алты бакча Яр Чаллыда сафка басачак. Әлмәт һәм Түбән Камада - икешәр бакча, Алабуга, Азнакай, Минзәлә, Питрәч, Лаеш, Кайбыч, Нурлат районнарында берәр балалар бакчасы төзеләчәк.

"Проект кысаларында 2020 - 2021 елларда өч яшькә кадәр балалар өчен өстәмә урыннар булдыру каралган. Бу елларда әлеге чараларны гамәлгә ашыруга 8 млрд сумнан артык акча тотылачак, шул исәптән федераль бюджеттан – 2,7 млрд сумнан артык. Нәтиҗәдә, 9 мең өстәмә мәктәпкәчә урыннар булдырылачак, шул исәптән 1,5 яшьтән өч яшькә кадәрге балалар өчен 5 мең урын», – дигән Азат Шәрәпов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10