ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Рәсми Татарстан

Миңнеханов Төркиянең эре компанияләре җитәкчелеге белән сөйләшүләр уздырды

16 май 2019, 18:16 , Фото: tatarstan.ru

Миңнеханов Төркиянең эре компанияләре җитәкчелеге белән сөйләшүләр уздырды Төркиядә агросәнәгать комплексы өчен автокомпонентлар һәм җиһазлар җитештерүчеләр Татарстан партнерлары белән эшләргә әзер.

(Казан, 16 май, «Татар-информ»). Бүген Татарстан Президенты Рөстәм Миңнеханов Төркиянең эшлекле даирәләре вәкилләре белән сөйләшүләр уздырды. Республика җитәкчесе «Гебзе» махсус зонасы җитәкчелеге белән Татарстанда индустриаль паркны үстерү проекты турында фикер алышты. Бу хакта Татарстан Президенты матбугат хезмәте хәбәр итә.

Рөстәм Миңнехановның эшлекле графигында беренче очрашу «Агропро» компаниясе генераль директоры Мостафа Озкылыч белән узды. Ул хәбәр иткәнчә, компания ашлык эшкәртү, тегермән комплекслары төзү, элеватор һәм катнаш азык әзерләү җиһазлары җитештерү белән шөгыльләнә.

Рабочий визит Президента РТ Р.Н.Минниханова в Турецкую Республику

Татарстан авыл хуҗалыгы продукциясе җитештерү буенча Россиядә алдынгы урында тора, ә республиканың агрохолдинглары агросәнәгать комплексы өлкәсендә инвестицион проектларны гамәлгә ашыруда зур тәҗрибәгә ия, диде Рөстәм Миңнеханов. Очрашу барышында алар хезмәттәшлекне үстерү өчен иң перспектив юнәлешләрне карады.

Рөстәм Миңнеханов TTAF вәкилләре белән очрашты. Төркия компаниясе автомобиль, сәнәгать һәм телекоммуникация тармаклары өчен электр тоташтыру өлкәсендә эшли. TTAF генераль директоры Уфук Джан уртак проектларның мөмкин булган вариантларын күрсәтеп, Татарстан белән хезмәттәшлек итү белән кызыксынды.

Рабочий визит Президента РТ Р.Н.Минниханова в Турецкую Республику

Татарстан Президенты «Гебзе» (GOSB) махсус сәнәгать зонасы җитәкчелеге белән очрашты. Ул Төркиядә һәм дөньяда кредитларны җәлеп итмичә, тулысынча инвесторлар тарафыннан финанслана торган беренче махсус сәнәгать зонасы. Зона резидентларының эшчәнлек өлкәсенә машина төзелеше, автомобиль төзелеше, автокомпонентлар җитештерү, IТ-тармак, һ. б. керә.

Шулай ук бүген Татарстан Президенты катнашында Татарстан Инвестицион үсеш агентлыгы белән Төркия сәүдә палаталары һәм биржалар берлеге арасында үзара аңлашу һәм хезмәттәшлек турында меморандумга имза салынды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10