ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Мәдәният

Роза Рымбаева музыка буенча үсешне хәзер беркем дә чикләми дип исәпли

16 май 2019, 16:48 , Фото: архив/Абдул Фархан

Роза Рымбаева музыка буенча үсешне хәзер беркем дә чикләми дип исәпли Җырчы сүзләренчә, төрле форматта җырлаучылар булу яхшы.

(Казан, 16 май, “Татар-информ”, Зилә Мөбәрәкшина). Казахстанның халык артисты Роза Рымбаева музыка өлкәсендә үсешне хәзерге заманда беркем дә чикләми дип саный. Бу фикерен ул “Татар-информ” хәбәрчесенә Рәшит Ваһапов фестиваленең гала-концертында сөйләде.

“Казахстанда төрле форматта җырлаучылар бар: классика, фольклор, шул ук вакытта заманча җырлар да бар. Шуларның берсен мин башкарам, аны махсус минем тавышым өчен улым язды. Музыка буенча хәзер үсеш бик киң, беркем дә чикләнми”, - диде ул.

“Җырчының осталыгы, музыкальлеге белеменнән тора. Мондый күп юнәлешләрнең булуын уңай бәялим, чөнки җырчы һәм тыңлаучы дәрәҗәсе үсә бара”, - диде Роза Рымбаева.

Җырчы “Кадерләп үстергән мин синең җимешең” җырын казахча оркестрга кушылып башкарды. “Һәр конкурста да оркестрлар катнашмый, сәхнәдә исә халык һәм симфоник юнәлеше буенча иде, хор да булды – бу зур күрсәткеч. Ваһапов фестивалендә катнашуыма бәхетлемен”, - диде ул.

“Мин сезнең башка фестивальләрегезне белмим, әмма сәхнәдән конкурсантларны тыңлагач, бәйгенең профессиональ дәрәҗәдә булуына инандым. Ике оркестр, зәвыклы тамашачыларның булуы сокландырды. Шуңа күрә ул иң шәп фестивальдер дип саныйм”, - диде ул.

Роза Рымбаева Казахстанда да мондый фестивальләрнең күп булуын әйтте. “Финалда җырчылар гел оркестрга кушылып җырлый. Һәм без аларны алга таба Халыкара конкурсларга җибәрәбез”, - дип сөйләде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10