ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Мәдәният

Ренат Ибраһимов: Ваһапов фестивалендә катнашу - трамплиннан сикерү белән бер

16 май 2019, 16:20 , Фото: архив/Абдул Фархан

Ренат Ибраһимов: Ваһапов фестивалендә катнашу - трамплиннан сикерү белән бер Артист яшь җырчыларга киләчәктә үзләренә шактый тырышырга кирәклеген әйтте.

(Казан, 16 май, “Татар-информ”, Зилә Мөбәрәкшина). Россиянең һәм Татарстанның халык артисты Ренат Ибраһимов Рәшит Ваһапов исемендәге фестивальдә катнашуны трамплиннан сикерү белән чагыштырды. Бу фикерен ул “Татар-информ” хәбәрчесенә фестивальнең юбилей концертында сөйләде.

“Фестивальдә катнашу - трамплиннан сикерү кебек ул. Киләчәктә яшь җырчыларга үзләренә һәрдаим эшләргә кирәк булачак. Бу – әле бары тик башлангыч этап кына. Җырчылар өчен әле барысы да алда, бер урында тукталып калырга ярамый”, - диде ул.

“Мине иң шатландырганы – Ваһапов фестиваленең елдан-ел көчле булуы, яшь башкаручыларның сыйфат дәрәҗәләре югары булуда. Бәйгене хәзер Татарстаннан тыш, башка төбәкләрдә, илләрдә дә беләләр”, - дип сөйләде җырчы.

Ренат Ибраһимов фикеренчә, иң мөһиме – фестиваль катнашучылары сәхнәгә чыкканда сәнгатьне лаеклы тәкъдим итә. “Очраклы рәвештә генә килеп эләккән кешеләр юк”, - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10