ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Мәдәният

Татар эстрадасы артистлары бер оешмага берләшергә тели

16 май 2019, 15:04 , Фото: Султан Исхаков

Татар эстрадасы артистлары бер оешмага берләшергә тели “Бу оешма дәүләт статусын алырга тиеш”, - дип саный ИлСаф.

(Казан, 16 май, “Татар-информ”, Чулпан Шакирова). Татар эстрадасы артистлары үзара берләшеп бер оешма төзергә тели. Бу хакта җырчылар бүген “Татар-информ”ның махсус проекты – “Эстрада артистларына берләшергә кирәкме?” дигән түгәрәк өстәл форматындагы сөйләшүдә фикер алышты.

“Безгә артистлар белән җыелышсак, күп проблемаларны чишү мөмкинлеге туар иде. Язучыларның, рәссамнарның үз берлекләре бар. Төзеләчәк оешма артистларны тикшерүче орган түгел, киресенчә, күп мәсьәләләрне чишү өчен ярдәм итсен иде”, - диде Ришат Төхвәтуллин.

Җырчы ИлСаф әлеге оешма дәүләт статусын алырга тиеш дип саный.

“Берләшү кирәк. Әмма ул дәүләт статусы алмаса, аның мәгънәсе булмас. Болай үзара без барыбыз да дуслар, берләшкән инде. Әмма глобальрәк мәсьәләләрне чишәргә теләсәк, аны тиешле кешегә җиткерү дә кирәк. Дәүләт органы булмаса, әллә ни куптарып булмас. Шулай да кечкенәдән башларга кирәк”, - диде Татарстанның халык артисты ИлСаф.

“Татар-информ”дагы түгәрәк өстәлдә ИлСаф, Зәйнәп Фәрхетдинова, Фирдүс Тямаев,Ришат Төхвәтуллин, Ризат Рамазанов, Ильвина, Лилия Хәйруллина катнашты.

Җырчыларның берләшү хакындагы фикерләре тиздән “Интертат” газетасында урын алачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10