ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Россиялеләргә диспансеризация үтү өчен өстәмә ял көне бирергә мөмкиннәр

16 май 2019, 13:05

Әлеге инициатива 40 яшьтән узган хезмәткәрләргә кагыла.

(Казан, 16 май, «Татар-информ»). Россиялеләргә диспансеризация үтү өчен өстәмә ял көне бирергә мөмкиннәр. Бу хакта РИА Новости агентлыгы хәбәр итә.

Әлеге инициатива 40 яшьтән узган хезмәткәрләргә кагыла. Шул ук вакытта, аларның башкарган вазифасы һәм уртача хезмәт хакы сакланачак. Бу 6 майдан диспансеризация үтүнең яңартылган тәртибе үз көченә керү белән бәйле. Аның нигезендә, россиялеләргә 40 яшьтән соң ел саен тикшеренү узарга киңәш ителә.

Моңа кадәр барлык кешеләргә дә диспансеризацияне өч елга бер мәртәбә үтәргә тәкъдим ителгән иде. Хәзер ул 18-39 яшьлек хезмәткәрләр өчен генә сакланачак. Моннан тыш, пенсия алды яшендәгеләргә диспансеризация үтү өчен ел саен ике көн биреләчәк.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10