ҺАВА ТОРЫШЫ -9 oC

Яңалыклар

барлык хәбәрләр Татарстан Россия

Икътисад

Рөстәм Миңнеханов Татарстанда цифрлы телевидениегә күчүне кичектерүне сорады

16 май 2019, 12:42 , Фото: Михаил Захаров/архив

Рөстәм Миңнеханов Татарстанда цифрлы телевидениегә күчүне кичектерүне сорады Татарстан җитәкчелеге фикеренчә, цифрлы телевидениегә күчкәндә республика халкының фикере исәпкә алынырга тиеш.

(Казан, 16 май, «Татар-информ», Динара Прокопьева). ТР Президенты Рөстәм Миңнеханов РФ Хөкүмәтеннән республикада цифрлы телевидениегә күчүне июньнән октябрь аена кадәр кичектерүне сорады. Казан Кремленең рәсми вәкиле Лилия Галимова ТР Хөкүмәте йортында узган брифингта «Татар-информ» агентлыгы хәбәрчесенең соравына шулай дип җавап бирде.

«Рөстәм Нургалиевич исеменнән РФ Хөкүмәте адресына мөрәҗәгать юлланды. Аның буенча хәлиткеч карар көтәбез. Без цифрлы телевидениегә күчүне 3 июньнән октябрь аена кадәр кичектерүне сорап мөрәҗәгать иттек. Хат әзер инде, ул тиешле инстанциягә җибәрелде», - диде Галимова.

Аның сүзләренчә, Татарстан җитәкчелеге, җитди уңайсызлыклар килеп тумасын өчен, цифрлы телевидениегә күчкәндә халыкның фикере исәпкә алынырга тиешлеген күп тапкырлар билгеләп үтте.

  • Россиядә цифрлы телевидениегә күчү өч этапта уза. Татарстан аналог телевидениесе 3 июньдә эшләүдән туктаячак төбәкләр арасына керде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10