ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Җәмгыять

Казанда эшләнгән «Ансат» вертолетларын Франциядә авиашоуда күрсәтәләр

15 май 2019, 10:06

17-23 июньдә узачак «Париж Аэрошоу 2019» күргәзмәсендә катнашу «Казан вертолет заводы»на 675 мең еврога төшәчәк.

(Казан, 15 май, «Татар-информ»). 17-23 июньдә Франциядә узачак «Париж Аэрошоу 2019» халыкара авиасалонында «Казан вертолет заводы» җитештергән ике «Ансат» вертолетын тәкъдим итәчәкләр. Тиешле мәгълүмат Дәүләт сатып алулары сайтында урнаштырылган.

«Ансат» вертолетларының ике натураль үрнәге <...> һәм авиация мөлкәтен <...> 2019 елның 17-23 июнендә Ле Бурже шәһәрендә (Франция) уза торган «Париж Аэрошоу — 2019» халыкара авиация салонында катнашуын тәэмин итәргә», - диелә сатып алу документларында.

Заказчы - «Казан вертолет заводы». Килешү бәясе 675 мең евро. Әлеге суммага барлык кирәкле килешүләр һәм рөхсәтләр алу, вертолетлар һәм авиация милеген күчерү һәм хезмәт күрсәтү, шулай ук техниканың демонстрация программасында катнашуы керә.

Вертолетлар 570 квадрат метр мәйданлы арендаланган тукталышта урнашачак. Алар «Россия вертолетлары» АҖ логотибы төшерелгән материал белән әйләндереп алына. Зонага керү янында ресепшн һәм 12 флагшток урнаштырыла.

Демонстрацион үрнәкләрне Казаннан 28 майда җибәрәчәкләр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10