ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Фән һәм мәгариф

Зәй район башлыгы белем бирү оешмаларында хәл итәсе проблемалар белән танышты

15 май 2019, 08:00 , Фото: zainsk-rt.ru/news/tema-dnya/rayon-bashlygy-belem-bir-uchrezhdenielrend-buldy

Зәй район башлыгы белем бирү оешмаларында хәл итәсе проблемалар белән танышты Күргәннәргә нәтиҗә ясап, Разиф Галиевич объектларның торышы, аларның матди-техник базасының яхшы булуын ассызыклады.

(Зәй, 15 май, "Татар-информ", "Зәй офыклары", Николай Шамионов). Кичә Зәй районы башлыгы Разиф Кәримов мәгариф тармагының кайбер учреждениеләрендә булды. Аларда эш куелышы, хәл итәсе проблемалар белән танышты. Бу турыда район басмасы хәбәр итә.

Ул 2нче мәктәптә эш территориясен караудан башлады. Мәктәп җитәкчелеге биләмәдә озак еллар үсеп картайган тупыл агачларын кисү кирәклеген белдерде. Моны яңа уку елы башланганчы хәл итү кирәк. Район башлыгы мәктәп китапханәсендә, ашханәдә булды, хезмәт дәресен карады.

“Шатлык” балалар бакчасы – шәһәрнең күптән түгел файдалануга тапшырылган мәктәпкәчә яшьтәге балалар учреждениесе. Биредә район башлыгын балалар төзек, матур территориядә гимнастика ясап каршы алдылар.

Аннан соң Разиф Кәримов балаларны тукландыру белән кызыксынды, татар теле буенча шөгыль, балалар лабораториясен, музыка залында бакчадан быел чыгучыларның репетиция ясау процессын, өстәмә белем бирү хезмәтләре күрсәтү кысаларында эшләүче инглиз теле түгәрәгендә шөгыльләнүчеләр чыгышын карады.

Политехник көллияттә район башлыгы остаханәләр эшчәнлеген карады. Ул эретеп-ябыштыручылар, электромонтажчылар, пешекчеләрнең практик дәресләрендә булды, югары көчәнеш астында эшләү үзәгендә уку курслары узучылар белән очрашты. Быел үзәктә ел ахырына 3 меңгә якын кеше курслар узарга тиеш.

Соңыннан район башлыгы студентлар, шулай ук уку узарга килүчеләр яшәүче тулай торакта булды, андагы шартлар белән кызыксынды. Күргәннәргә нәтиҗә ясап, Разиф Галиевич объектларның торышы, аларның матди-техник базасының яхшы булуын ассызыклады. Һәр учреждениедә хәл итәргә кирәкле проблемалар контрольгә алынды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10