ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Азнакайда яшәүче 31 кешегә талпан кадалган

15 май 2019, 06:00 , Фото: архив

Азнакайда яшәүче 31 кешегә талпан кадалган Әгәр дә талпан ябышкан икән, тиз арада медицина учреждениесенә мөрәҗәгать итәргә кирәк.

(Азнакай, 15 май, "Татар-информ", "Маяк", Лиза Нурлыева). Бер атна эчендә Азнакайда яшәүче 31 кешегә талпан кадалган. Алар медицина ярдәме сорап мөрәҗәгать иткән. Бу турыда район басмасы хәбәр итә.

Табигатьтә бәйрәм ясаучылар, саклану чараларын күрсәгез, талпан һөҗүм итә алмас. 

Әйтик, урман-кырга чыкканда тәнгә сыланып торган кием кияргә киңәш ителә. Чирәмгә утырмаска һәм ятмаска кирәк, талпан киемгә ябышып һәрчак өскә үрмәли. Һәр 10-15 минут саен үзегезне, киемегезне, талпан качардай яка асларын, җөйләрне тикшереп, кагынгалап торырга онытмагыз.

Әгәр дә талпан ябышкан икән, тиз арада медицина учреждениесенә мөрәҗәгать итәргә кирәк. Талпанны алган булсагыз, һичшиксез, тикшерүгә тапшырыгыз.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10