ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Җәмгыять, Фән һәм мәгариф

WorldSkills илкүләм чемпионатында Татарстан көллиятләре белән таныштыралар

14 май 2019, 16:29

Көллият вәкилләре уку йортларының урыны, программалар турында мәгълүмат бирәчәк.

(Казан, 14 май, "Татар-информ", Гөлнар Гарифуллина). “Яшь профессионаллар” (WorldSkills Russia) VII илкүләм чемпионат финалында Татарстан көллиятләренә үзләрен күрсәтү мөмкинлеге тудырыла. Бу хакта журналистларга “Казан Экспо” халыкара күргәзмәләр үзәгендә брифингта WorldSkills Russia вәкиле Карина Саликова әйтте.

“Алар үзләрен “кил дә, үзеңне һөнәрдә сынап кара” дигән мәйданчыкта күрсәтәчәк. Килеп, ниндидер эш белән шөгыльләнеп карарга була. Көллият вәкилләре, мөгаллимнәре көллияләрнең кайда урнашуы, программалар, аларга ничек кереп булу турында буенча мәгълүмат бирәчәк”, - диде Карина Саликова.

Ул көллиятләрне таныту өчен моның файдалы чара булачагын ассызыклады. “Россиянең барлык 85 төбәгеннән вәкилләр килеп күрәчәк дигән сүз. Без чемпионатка барлыгы 3 меңләп конкурсант һәм эксперт килер дип көтәбез. Делегация, кунакларны кушып, 7 меңнән дә ким кеше булмас дип уйлыйбыз”, - диде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10