ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Дин

Әгерҗе районы Красный Бор авылында “Иң кечкенә мәчеттә иң зур ифтар” була

14 май 2019, 15:54 , Фото: Владимир Васильев/архив

Әгерҗе районы Красный Бор авылында “Иң кечкенә мәчеттә иң зур ифтар” була "Мәскәү татарлары штабы” бирегә күрше авыллардан бөтен мөселман җәмәгатьчелеген чакыра.

(Казан, 14 май, “Татар-информ, Айгөл Шәйхлисламова). 25 майда Әгерҗе районы Красный Бор авылы мәчетендә ифтар үткәреләчәк. “Иң кечкенә мәчеттә иң зур ифтар” дип аталган ифтарны "Мәскәү татарлары штабы” оештыра. Бу хакта “Татар-информ” хәбәрчесенә “Татар штабы” җитәкчесе Рөстәм Ямалиев әйтте.

Красный Бор элек Әгерҗе районының үзәге булган. Красный Бор мәчетен 4 ел элек “Татар штабы” җирле мөселман җәмгыяте белән берлектә төзегән.

“Ел саен без ул мәчеттә ифтар үткәрәбез. Без анда барлык якташларыбызны чакырабыз. Без аны “Иң кечкенә мәчеттә иң зур ифтар” дип атадык. Ифтарга күрше авыллардан бөтен мөселманнарны җыярга тырышачакбыз ”, - диде Рөстәм Ямалиев.

25 май көнне ифтарга кадәр “Татар штабы” яшүсмерләр приютына бүләкләр белән барачак. Аннары Мадьяр авылы зираты коймасын төзекләндерү өчен ике көнлек өмә планлаштырыла.

Ифтарга йөзләп кеше килер дип көтелә. “Рус кешеләрен дә чакырыргамы дигән сорау туа. Без беркемгә дә “юк” дип әйтмибез. Ифтар мөселманнар өчен. Хәзрәтләргә авылда мөселманнар татарлар гына түгел икәнен әйтүләрен сорадык”, - диде Рөстәм Ямалиев.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10