ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Фән һәм мәгариф

Роскомнадзор мәктәп имтиханына җаваплар куелган сайтларга керүне чикләгән

14 май 2019, 12:46

Тыелган мәгълүмат бердәм реестрына 59 сайт яки аларның интернет-сәхифәләре кертелгән.

(Казан, 14 май, «Татар-информ»). Элемтә, мәгълүмати технологияләр һәм гаммәви коммуникацияләр өлкәсендә күзәтчелек Федераль хезмәте (Роскомнадзор) мәктәп имтиханнары сорауларына җавапларны сату турындагы мәгълүматтан файдалануны чикләү буенча тиешле чаралар күргән. Бу хакта РИА Новости агентлыгы ведомствоның рәсми сайтына сылтама белән хәбәр итә.

«Роскомнадзорга килгән суд карарлары нигезендә интернетта урнаштырылган, намуссыз мәктәп укучыларына имтиханнарны тапшырырга ярдәм итә торган мәгълүмати материаллардан файдалануны чикләү буенча тиешле чаралар күрелә», - диелә сайтта.

Тыелган мәгълүмат бердәм реестрына төп һәм бердәм дәүләт имтиханнары сорауларына җаваплар, контроль-үлчәү материаллары, шулай ук тиешле фәнне өйрәнмичә генә имтихан тапшыру алымнары һәм формалары турында мәгълүматлар урын алган 59 сайт яки аларның интернет-сәхифәләре кертелгән.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10