ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Хәвеф-хәтәр

Росгвардиячеләр Казан янында кырда очраклы рәвештә табылган снарядны юк иткән

14 май 2019, 11:24

Снарядны Олы Кабан торак пункты янында тапканнар.

(Казан, 14 май, «Татар-информ»). Росгвардиячеләр Лаеш районында яшәүче ир-ат Казан янында юл кырыендагы кырда очраклы рәвештә табып алган гаубица снарядын юк иткән. Бу хакта «Татар-информ» агентлыгына Росгвардиянең Татарстан Республикасы буенча идарәсеннән хәбәр иттеләр.

«Лаеш районында яшәүче ир-ат 112 бердәм номерына Олы Кабан торак пункты янында юл кырыендагы кырда артиллерия снаряды табуы турында хәбәр итте», - дип искәрттеләр идарәнең матбугат хезмәтендә.

Урынга килгән саперлар аның сугышчан гаубица снаряды икәнлеген, ниндидер сәбәпләр аркасында шартламавын ачыклаган.

Снаряд җирдә ярты гасырдан артык ятса да, әйләнә-тирәдәгеләр өчен әле һаман да куркыныч тудырган. Саперлар аны табылган урынында юк иткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10