ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Авыл

Минзәлә районы хуҗалыкларында чәчү төгәлләнү алдында

14 май 2019, 00:00

13 майга барлыгы 29925 гектарда бөртеклеләр чәчелде.

(Минзәлә, 14 май, "Татар-информ", "Минзәлә"). Минзәлә районында чәчүне иң беренче булып “Әнәк” агрофирмасы Мөшеге бүлекчәсе хезмәтчәннәре төгәлләде, калган хуҗалыкларда эшләр төгәлләнү алдында. Бу турыда җирле басма яза.

Алар 1656 гектарда сабан бодае, 194 гектар борчак, 531 гектар шикәр чөгендере чәчтеләр. 13 майга барлыгы 29925 гектарда бөртеклеләр чәчелде. Бу планлаштырылганның 86,2 проценты дигән сүз.

Солы - 525, борчак - 1800, берьеллык үләннәр - 300, арпа - 13700, сабан бодае 13600 гектарда җир куенына иңдерелде. Техник культуралардан рапс - 1700, көнбагыш - 1500, шикәр чөгендере 5032 гектарда чәчелде. Көнбагыш чәчү планы-163, шикәр чөгендере чәчү планы 103 процентка үтәлде.

“Мензелинские зори” агрофирмасы хезмәтчәннәре дә чәчүне бүген төгәлләргә планлаштыралар. “Дәүләтов”КФХсы 45 гектар яшелчәләр, 50 гектар бәрәңге утыртты. Чәчелгән мәйданнарда шытымнар яхшы. Хәзер сабан культуралары шытымнарын тырмалау иң кирәкле, технологик чара.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10