ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Татарстанда һава торышы 15 майдан ук үзгәрә башлаячак

13 май 2019, 19:25 , Фото: архив/Рамиль Гали

Татарстанда һава торышы 15 майдан ук үзгәрә башлаячак

Атмосфера фронтлары республикага яшенле, бозлы яңгыр алып киләчәк.

(Казан, 13 май, «Татар-информ»). Татарстанда һава торышы 15 майдан ук үзгәрә башлаячак. Атмосфера фронтлары республикага яшенле яңгырлар, боз һәм көчәючән җил алып килә. Бу хакта Татарстан Гидрометеорология үзәге хәбәр итә.

«Татар-информ» мәгълүмат агентлыгы иртәгә, 14 майда, төбәктә кыска вакытлы яшенле яңгырлардан тыш, җилнең секундына 15-18 метрга (урыны белән секундына 22 метрга) кадәр көчәю мөмкинлеген хәбәр иткән иде. Шулай ук боз яварга мөмкин. Чәршәмбе көнне исә, 15 майда, секундына 17-22 метрга кадәр өермәле җил көтелә. Ә пәнҗешәмбе, 16 майда җил тизлеге секундына 24 метрга җитүе ихтимал.

Шул ук вакытта температура фоны түбәнәя башлаячак: 15 майда көндез һава +26..+31 градуска кадәр җылына, ә 16 майда инде җылылык +21..+26 градус кына булачак.

Алдан фаразлаулар буенча, җомга көнне, 17 майда, һава температурасы +12, +17 градуска кадәр төшәчәк. Бу көнне кабат яшенле яңгыр булуы ихтимал. Шимбә көнне, 18 майда, салкынаю дәвам итәчәк. Төнлә термометр баганалары+2 градуска кадәр төшәчәк, ә көндез һава температурасы +9..+14 градуска кадәр күтәреләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10