ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Рәсми Татарстан

Владимир Путинга Казанда самолетларның яңа үрнәкләрен күрсәттеләр

13 май 2019, 17:39 , Фото: tatarstan.ru

Владимир Путинга Казанда самолетларның яңа үрнәкләрен күрсәттеләр
Россия Президенты Владимир Путин модернизацияләүнең барышын бәяләү өчен Горбунов исемендәге Казан авиация җитештерү берләшмәсенә килде.

(Казан, 13 май, «Татар-информ», Алексей Угаров). Россия Президенты Владимир Путинга Татарстанда җитештерелә торган самолет һәм вертолетларның яңа үрнәкләрен күрсәттеләр. Дәүләт башлыгы гаскәрләрдә куллану өчен әзер булган  Ту-160 һәм Ту-22М3 самолетларын да карады.

Владимир Путин Горбунов исемендәге Казан авиация заводы территориясендә яңа самолетларны карады. АныТатарстан Республикасы Президенты Рөстәм Миңнеханов, Россия вице-премьеры Юрий Борисов, Россия Оборона министры Сергей Шойгу, Россия Сәнәгать һәм сәүдә министры Денис Мантуров озатып йөрде.

Рабочая поездка Президента Российской Федерации В.В.Путина в Республику Татарстан.

Горбунов исемендәге Казан авиация җитештерү берләшмәсе территориясендә Владимир Путин шулай ук Казан вертолет заводы продукциясен карады.

Россия Президенты яңа Ми-38Т бортына күтәрелде, Россия Һава космик көчләре өчен җыелган Ми-8МТВ-5-1 самолетын карады. Дәүләт башлыгы санитария һәм коммерция өчен кулланыла торган «Ансат» җиңел гражданлык вертолетлары белән дә кызыксынды. Яңа вертолет техникасының өстенлекләре турында Владимир Путинга «Россия вертолетлары» холдингы генераль директоры Андрей Богинский сөйләде.

Рабочая поездка Президента Российской Федерации В.В.Путина в Республику Татарстан.

«Татар-информ» мәгълүмат агентлыгы хәбәрчесе белән әңгәмәсендә «Россия вертолетлары» башлыгы Казан вертолет заводында Россия Оборона министрлыгы заказы буенча ике Ми-38Т хәрби-транспорт вертолеты әзерләнүен әйтте. Алар сынау көтә. Сынау процедураларын тәмамлау һәм вертолетларны гаскәрләргә җибәрү 2020 елның 1 кварталыннан да иртәрәк булмаячак.

  • Бүген Россия Президенты Владимир Путин Казанга Горбунов исемендәге Казан авиация заводында модернизация барышын бәяләү һәм авиазаводның яңа продукциясе белән танышу өчен килде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10