ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Татарстанда ВИЧ-инфекцияне кисәтүгә багышланган кайнар элемтә ачыла

13 май 2019, 10:01 , Фото: Александр Эшкинин/архив

Татарстанда ВИЧ-инфекцияне кисәтүгә багышланган кайнар элемтә ачыла 14-19 майда Россиядә Халыкара СПИД корбаннарын искә алу көненә багышланган акция узачак.

(Казан, 13 май, «Татар-информ»). 13 майда Татарстанда ВИЧ-инфекцияне кисәтү мәсьәләләренә багышланган кайнар элемтә эшли башлаячак. Бу хакта Роспотребнадзорның ТР буенча идарәсе матбугат хезмәте хәбәр итә.

Гражданнар үзләрен кызыксындырган сораулар белән 8(843)2385368 телефоны буенча мөрәҗәгать итә алачак. Кайнар элемтә 17 майга хәтле иртәнге 9дан кичке 5кә кадәр эшләячәк.

Моннан тыш, Роспотребнадзорның бердәм Консультация үзәге 8 800 555 49 43 телефоны буенча тәүлек әйләнәсе кайнар элемтә оештыра.

14-19 майда Россиядә Халыкара СПИД корбаннарын искә алу көненә багышланган «Стоп ВИЧ/СПИД» акциясе узачак. Аның кысаларында федераль хезмәт татарстанлыларны медицина учреждениеләре һәм мобиль хезмәт күрсәтү пунктларында ВИЧ-инфекциягә тест узарга чакыра.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10