ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Әлмәттә яшь пар һәм аларның нәни кызы ис газы белән агуланган

13 май 2019, 07:42

Ир белән баланы өйләренә кайтарып җибәргәннәр, хатын-кызны хастаханәгә салганнар.

(Казан, 13 май, "Татар-информ"). Әлмәт шәһәрендә яшь әти белән әни һәм аларның ике яшьлек кызы ис газы белән агуланган. Бу турыда "Татар-информ"га ТР буенча Гадәттән тыш хәлләр министрлыгы матбугат хезмәтендә хәбәр иттеләр.

"12 майда Клара Цеткин урамындагы бер йортта 25 яшьлек ир белән хатын һәм аларның 2 яшьлек кызы ис газы белән агуланган", диелә ведомство хәбәрендә.

Әлмәт хастаханәсе табиблары аларга "Җиңелчә дәрәҗәдә агулану" диагнозы куя.

Ир белән баланы өйләренә кайтарып җибәрәләр, хатын-кызны хастаханәгә салалар. Башлангыч версия буенча, вентиляция начар эшләү сәбәпле, яшь гаилә агуланган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10