ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Икътисад

Роспотребнадзор белгечләре эшмәкәрләр өчен Ачык ишекләр көне үткәрәчәк

12 май 2019, 17:45

15 майда 14:00дән сәгать 16:00 кадәр бизнес вәкилләре консультация сорап мөрәҗәгать итә ала.

(Казан, 12 май, «Татар-информ»). 15 майда Татарстанда эшкуарлар өчен Ачык ишекләр көне оештырылачак. Бу турыда Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе матбугат хезмәте хәбәр итә.

"Ачык ишекләр көненең максаты - идарә компетенциясе чикләрендә эшмәкәрләргә түләүсез консультация бирү яки ярдәм күрсәтү", — диелгән хәбәрдә.

Бизнес вәкилләре ярдәм сорап 14:00 сәгатьтән 16 :00 сәгатькә кадәр мөрәҗәгать итә алалар. Алдан язылу таләп ителми.

Казанлылар үзләрен кызыксындырган сорау белән Зур Кызыл урамы, 30нчы йорт адресы буенча мөрәҗәгать итә алачак. Шулай ук гражданнарны кабул итү республика территориясендәге 12 территориаль бүлектә башкарылачак, аларның адресларын ведомство сайтында табарга мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10